మీరు ఏమి చెప్పాలనుకుంటున్నారు?
ఇదిగో! వీటి గురించే చెప్పాలనుకుంటున్నాను.
ఒకప్పుడు ఎక్కడోగానీ కనిపించని ఈ mspaint కళా-అఖండాలు ప్రస్తుతం ప్రతీ సోషల్ మీడియా ప్లాటుఫారంలో కలదిరుగుతున్నాయి. పై చిత్రంలో కొంచెం తక్కువ ప్రదేశం కనిపిస్తుందిగాని కొన్ని ఫార్వర్డ్ మెసేజులలో ఐరోపా నుండి ఆస్ట్రేలియా వరకూ రంగేసేస్తున్నారు.
వీటి వెనక ఉన్న ఆంతర్యం అందరికీ తెలిసిందే. ఆ పటంలో చూపించినంత భాగంలో కేవలం తమకు నచ్చిన మతం వాళ్ళు మాత్రమే ఉండాలనేది ఆ అతివాదుల కోరిక. అలా అవ్వడం కోసం మిగిలినవాళ్లను కుదిరితే చంపెయ్యాలి, లేకపోతే తరిమెయ్యాలి. వాళ్ళ మనసులో ఉండేది అదే అయినప్పటికీ పైకి చెబితే వాళ్ళను ఉన్మాదులు అంటారేమోనని భయం. ఇంతా చేసి నిజంగానే కొట్టుకుచావల్సిన పరిస్థితోస్తే ఈ ఫోటోలు ప్రచారం చేసేవాళ్ళేమైనా ముందుకొచ్చి నిలబడతారా అంటే అదీ ఉండదు. ఇంట్లో ముసుగుదన్ని పడుకుని అందరూ తన్నుకుచచ్చాక తలకాయలు లెక్కపెట్టుకునే రకాలు. కాబట్టి తస్మాత్ జాగ్రత్త!
Comments
Post a Comment