radwa

  నేను గత ఐదేళ్లుగా స్వీడన్లో ఉంటున్నాను. ఈ ఐదేళ్ళలో కొన్ని సార్లు తిరిగి ఇండియా వచ్చేద్దామనుకున్న సందర్భాలు ఉన్నాయిగాని ప్రస్తుతానికి అన్నీ అనుకూలంగా ఉండడంతో ఇక్కడే ఉండాలని నిర్ణయించుకున్నాము. నా అనుభవంలో స్వీడన్లో ఉండడానికి అనుకూలంగా ఉండే అంశాలు. జీతం:  ఐదేళ్లక్రితం ఇండియాలో నాకొచ్చిన జీతంకంటే ఇక్కడ ఎక్కువ జీతం వచ్చింది. కానీ ఉద్యోగ అనుభవం పెరిగేకొద్దీ జీతాలమధ్య ఆ తేడా తగ్గిపోతుంది. కారణం ప్రతికూలతల్లో చెప్తాను. పని : నేను ఇండియాలో పని చేసేటప్పుడు పనిగంటల విషయంలో పద్దతి అంటూ ఏం ఉండేది కాదు. సగటున పదిగంటలు ఆఫీసులోనే ఉండాల్సి వచ్చేది. ఈ అధిక పనిగంటలన్నీ అనధికారంగా మాత్రమే. మేనేజర్లు ఒప్పుకొన్న గడువులని అందుకోవడానికి అలా చెయ్యాల్సొచ్చేది. స్వీడన్లో గత నాలుగేళ్లలో నేనెప్పుడూ లెక్కలోకి రాని పనిగంటల్లో పనిచేయలేదు. నా పనిగంటలకంటే ఎక్కువగా చేసిన పనికి రెండు నుండి మూడు రెట్లు అధిక జీతం వస్తుంది. ప్రభుత్వ పనితీరు : స్వీడన్ పౌరులకున్న దాదాపు ప్రతి సౌకర్యం వలసదారులకి కూడా ఉంటుంది. ఉచిత(దాదాపుగా) వైద్యం, ఉచిత విద్య(ఉద్యోగి పిల్లలకు, ఉద్యోగి, ఉద్యోగి భాగస్వామికి కూడా) , పని భీమా, భాగస్వామ...

  ఒకసారి జరిగింది. అది కూడా ఒకే ఒక్క మార్కు. ఒక్క మార్కే కదా అని నేను కూడా సర్దుకుపోవాల్సింది కానీ అడిగి మరీ తిట్లు తిని, ఆ లెక్చరర్కి నామీద ఉన్న కాస్తోకూస్తో మంచి అభిప్రాయాన్ని చెడగొట్టుకున్నాను. ఇంజనీరింగ్ రెండో సంవత్సరంలో ప్రాబబిలిటీ పాఠ్యాంశం ఉండేది. ఇంటర్ చదివేరోజులనుండే నాకు ఆ సబ్జెక్టు అంటే చాలా ఇష్టం. ఇంజనీరింగ్లో కూడా ఉన్నందుకు సంతోషపడ్డాను. మా లెక్చరర్ కూడా చాలా అద్భుతంగా పాఠాలు చెప్పేవారు. ప్రణాళిక ప్రకారం క్లాసులు తీసుకునే చాలా తక్కువ మంది లెక్చరర్లలో అయన కూడా ఒకరు. నలభై ఏళ్ల అనుభవముండొచ్చు ఆయనకి. కోపం కూడా కొంచెం ఎక్కువే. ఆ సెమిస్టర్ మొదటి ఇంటర్నల్ పరీక్షలు జరుగుతున్నాయి. ప్రాబబిలిటీ పరీక్షలో మూడు ఏడు మార్కుల ప్రశ్నలు ఇచ్చి రెండింటికి సమాధానం రాయమన్నారు. రెండు ఆరు మార్కుల ప్రశ్నలిచ్చి ఒకదానికి సమాధానం రాయమన్నారు. నేను రెండు ఏడు మార్కుల ప్రశ్నలకు, రెండు ఆరు మార్కుల ప్రశ్నలకు సమాధానాలు రాసాను. ఒక వారం తర్వాత దిద్ది సరిచూసుకోమని మా పేపర్లను మాకు ఇచ్చారు. నాకు ఇరవైకి పంతొమ్మిది మార్కులొచ్చాయి. ముందు సంతోషపడ్డాను. కానీ పేపర్లో రెండు ఏడు మార్కుల సమాధానాలకు ఏడేసి మార్కులు, ఒక...

  జెలటిన్ అనేది రంగు, రుచి, వాసన లేని ఒక పారదర్శకమైన పదార్ధము. దీనిని ఎక్కువగా ఆహారపదార్ధాల తయారీలో జున్ను లాంటి టెక్సచుర్ కోసం ఉపయోగిస్తారు. జెలటిన్ని జంతు అవశేషాలలో ఉండే కొల్లాజెన్ అనే ప్రోటీన్ నుండి తయారుచేస్తారు. దీనికారణంగానే శాకాహారులు, వీగన్లు, మతపరమైన నిషిద్ధ ఆహారాజాబితా పాటించేవారు జెలటిన్ని తినరు. ఆహారపదార్దాల్లో జెలటిన్ని ఉపయోగిస్తే తయారివారు ముందుగా వినియోగదారులకు తెలియచెయ్యాల్సిన అవసరం ఉంది. లేకపోతే వినియోగదారుల విశ్వాసాలకు భంగం కలిగించినట్లే. మన దేశంలో మార్షమాల్లౌస్ (marshmallows), జెల్లో బిళ్ళలలో జెలటిన్ ఉండే అవకాశం ఎక్కువగా ఉంది. మార్షమాల్లౌస్ వాడకం ఎక్కువగా కెఫెలలో ఒక అదనపు రుచిగా అందిస్తారు. ఇష్టం లేకపోతే అవసరం లేదని చెప్పొచ్చు. విదేశాలలో తయారయ్యి దిగుమతి చేయబడుతున్న ఫ్రూటెల్లా లాంటి జీళ్లలో జెలటిన్ ఉంటుంది. ఖర్చు తగ్గించుకుందామనుకునే బేకరీ ఉత్పత్తుల్లో కూడా జెలటిన్ ఉండే అవకాశం ఉంది. చాలామంది ఐస్ క్రీముల్లో ఉంటుంది అంటారుగాని మనదేశంలో పేరుపొందిన ఐస్ క్రీము ఉత్పత్తులలో జెలటిన్ ఆనవాళ్లు లేవు. ఒకవేళ జెలటిన్ లేకుండా ఆహార పదార్దానికి సరైన రూపం, మృదుస్వభావం రాదని భావిస్...

  ప్రశ్న చూడగానే ఏడాదిక్రితం నేను ఇండియా ప్రయాణానికి ముందు నేను వేసుకున్న ప్రణాళికా, దాని అమలు గుర్తొచ్చాయి. కొన్ని అనుకోని కారణాలవల్ల మేము నాలుగేళ్లపాటు ఇండియా వెళ్ళడానికి కుదరలేదు. చివరికి అన్నీ కుదిరి మా బావమరిది పెళ్ళికి ఇండియా ప్రయాణం పెట్టుకున్నాము. నాలుగున్నరేళ్ళపాటు మనదేశంలో లేకపోవడంతో అక్కడ నేను చెయ్యాల్సిన పనులు కొండలా పేరుకుపోయాయి. ప్రయాణానికి రెండు నెలలముందు నుండే చెయ్యాల్సిన పనులు చిట్టా రాయడం మొదలుపెడితే ఒక పాతిక వరకు తేలాయి. అక్కడితో ఆగకుండా ఏరోజు ఏం చెయ్యాలో కూడా ప్రణాళిక వేసేసుకున్నాను. వచ్చిన రెండో రోజే ఏటిపీతలు తెచ్చి కూర వండించుకుని తినేసి నా చిట్టాలో ఉన్న మొదటి పనిమీద గీత పెట్టుకున్నాను. కానీ ఆ తర్వాతే మొదలయ్యింది అసలు సమస్య. బ్యాంకులో ఒక పూటలో అయిపోతుందనుకున్న పనికి మూడు రోజులు పట్టింది. ఆ తర్వాత బావమరిది పెళ్లి పనుల్లో ఇంకో పది రోజులు పోయాయి. మా అమ్మాయి వీసాకి ఢిల్లీ వెళ్లాల్సి రావడంతో ఇంకో రెండ్రోజులు ఎగిరిపోయాయి. చుట్టాలింటికి ప్రయాణాలు, స్నేహితులను కలవడాలు లాంటి ప్రణాళికలోలేని ముఖ్యమైన పనులవలన చిట్టాలో ఐదారు తప్ప మిగిలినవేమి చెయ్యకుండానే తిరిగి ఉద్యోగానికి...

  ఒక్కరు కాదు, ముగ్గురున్నారు. ముగ్గురికీ ఒకే కారణం, కుటుంబ పరిస్థితులు. ఆ ముగ్గురు నాతోపాటు పదోతరగతి వరకు చదువుకున్నారు. ముగ్గురికీ చాలా మంచి మార్కులొచ్చాయి. తర్వాత ఇంటర్లో చేరడానికి ప్రయత్నాలు చేస్తున్నాము. అప్పటికే కార్పొరేట్ కళాశాల ప్రతినిధులు ప్రతీ విద్యార్థి ఇంటికి తిరిగి పిల్లల్ని వారి కొట్టాంలో కట్టెయ్యడానికి ప్రయత్నిస్తున్నారు. వచ్చిన వాటిలో అధిక ఫీజు కారణం చేత మొదటి రెండూ వద్దనుకుని మూడో దానిలో చేరాను. మిగిలిన వాళ్ళు కూడా ఎదో ఒక కళాశాలలో చేరుంటారని అనుకున్నాను. కానీ… పరీక్ష ఫలితాలు వచ్చిన కొన్నిరోజులకే ఆ ముగ్గురిలో ఒకరికి పెళ్ళైపోయింది. బడిలో రెండేళ్లు విరామం తీసుకుని మళ్ళీ చేరినప్పటికీ పెళ్లయ్యే సమయానికి తనకి 18 ఏళ్ళు లోపే ఉంటాయి. కానీ నలుగురు ఆడపిల్లలు ఉన్న ఇంట్లో పెద్దమ్మాయి అవడం చేత ఇంట్లోవాళ్ళు కంగారుపడి పెళ్లి చేశేసారు. వచ్చిన భర్త అర్ధం చేసుకునేవాడవడంచేత పెళ్లి తర్వాత చదివించారు. కానీ ఇంటర్ తర్వాత ఆరోగ్యకేంద్రంలో ఉద్యోగం అవకాశం వస్తే పైచదువులకి వెళ్లకుండా ఆ ఉద్యోగంలో చేరిపోయింది. ఇంకొకరిది కూడా అటువంటి కధే. ఇంట్లో నలుగురు ఆడపిల్లల తర్వాత పుట్టిన అబ్బాయి. ఇంకో ఇద్దర...

  మేము పదో తరగతి చదివేటప్పుడు నా స్నేహితుడు చెప్పిన జోక్ ఇది. ఈ జోక్ చెప్పేటప్పుడు ఎదుటివాళ్ళు నవ్వినా నవ్వకపోయినా నాకు నవ్వొస్తుంటుంది. ఒక రైలు రాజమండ్రి నుండి భీమవరం వెళుతుంది. నిడదవోలు దాటేవరకు ప్రయాణం సాఫీగా సాగింది, కాని ఉన్నట్టుండి రైలు పట్టాలమీదనుండి కింది వెళ్లి పొలాల్లో, చెట్లల్లో, పుట్లల్లో, గుట్టల్లో తిరిగేసి మళ్ళీ పట్టాలు ఎక్కేసి భీమవరం చేరుకుంది. భయపడిపోయిన ప్రయాణికులు డ్రైవర్ మీద ఉన్నతాధికారులకు పిర్యాదు చేసారు. అధికారి: రైలుని పట్టాలమీదనుండి దింపేసి పొలాల్లో ఎందుకు నడిపావు? డ్రైవరు: అదికాదు సార్, పట్టాలమీద ఎవడో పడుకున్నాడు. అప్పుడు.. అ: ఒరేయ్ పిచ్చి వెధవా!! వాడు చద్దామనే పడుకున్నాడు. నువ్వు వాడిమీదకి ఎక్కించేయొచ్చు. డ్రై: ఆ విషయం నాకూ తెలుసు. అందుకే చివర్లో వాడికి భయమేసి పారిపోతుంటే వెనక చేస్ చేసి మరి గుద్దేశాను. —————————————————————————- అప్పుడప్పుడూ నేనూ, నా స్నేహితులవల్ల హాస్యం పుట్టిన సందర్భాలు తలుచుకున్నపుడు కూడా నవ్వుకుంటూ ఉంటాము. క్లాసులో ఒకసారి నా పక్కన కూర్చొనే స్నేహితుడుని నవ్వాడనే కారణంతో మాస్టారు బయటకి పంపేశారు. ఆరోజు సాయంత్రం ఒక స్నేహితురాలు ఫోన్ చేసి ఆ...

  ఒక ప్రణాళిక ప్రకారం కార్పొరేట్ కంపెనీలకు ధీటుగా కొన్ని సంస్థలకోసం కోరాలో ప్రచారం చేస్తున్నారేమోనని అనిపిస్తుంది. పైగా అది ప్రచారం అనే విషయం తెలియనంత తెలివిగా ఆ పని చేస్తున్నారని నా అనుమానం. ఉదాహరణకి ఈ క్రింది సమాధానాన్ని పరిశీలిస్తే ఆ సమాధానం ఒక కోర్స్ యొక్క గొప్పదనాన్ని వివరిస్తూ వ్రాయబడింది. ఆ సమాధానం వ్యక్తిగత విషయం అని అనుకోవచ్చు. Vivek Adupa  ·  1సంవత్సరం సద్గురు అందిస్తున్న ఇన్నర్ ఇంజనీరింగ్ కోర్స్ ఎంతవరకు సమర్థవంతమైనది? నమస్కారం, ఒక ప్రక్రియ ఎంత సమర్థవంతంగా పనిచేస్తుంది అన్న విషయం వివిధ అంశాల పైన ఆధార పడి ఉంటుంది. అది, దానిని ఆచరణలో పెట్టే వ్యక్తుల మీదా, సాధనపై వారికి ఉన్న నిబద్దత మీద ముఖ్యంగా ఆధార పడి ఉంటుంది, కాబట్టి, నా సొంత అనుభవాన్ని మీతో పంచుకుంటున్నాను. 2017లో నా b.tech పూర్తి అయ్యింది. అప్పటి నుండి నా జీవితంల… (మరిన్ని) కానీ ఈ సమాధానాన్ని అప్వోట్ చేసిన వారిని చూస్తే ఒక విషయం అర్ధం అవుతుంది. ఆ తొమ్మిదిమంది కోరా అన్ని భాషల్లోనూ రాసిన సమాధానాలన్నింటిలో 95 శాతం పైగా కేవలం ఒకే ఒక్క అంశంమీద వ్రాయబడ్డాయి. అది కూడా పదులనుండి వందలసంఖ్యలో. వేరే సామజిక మాధ్యమాలలోని ...