లాటరీ ద్వారా బాగా డబ్బు సంపాదించినవారు ఎవరైనా మీకు తెలుసా? వాళ్ళ జీవితాలు ఏమయ్యాయి?
చెప్పుకోదగ్గ మొత్తంలో లాటరీ తగిలినవారు నాకు వ్యక్తిగతంగా ఇద్దరు తెలుసు. ఒకరితో కేవలం ముఖపరిచయం మాత్రమే ఉంది. మరొకరు నాకు బాగా దగ్గరి చుట్టం, స్నేహితుడు కూడాను. ఆ ఇద్దరికీ లాటరీ టిక్కెట్లు కొనే అలవాటు లేదు కానీ ఇద్దరికీ ఒకే విధంగా లాటరీ తగిలింది. ఇరవై ఏళ్ళక్రితం వారు దుబాయిలో పనిచేసేటప్పుడు ఒక సూపర్ మార్కెట్లో షాపింగ్ చేసినప్పుడు ఆ సూపర్ మార్కెట్ కొనుగోలుదారులందరికీ బంపర్ లాటరీ ప్రకటించింది. ఆ లాటరీలో వీరిద్దరికీ కూడా అదృష్టం వరించి ఒకరికి కారు తగిలితే మరొకరికి మోటార్ సైకిలు తగిలింది. ఇద్దరూ కూడా తమకు తగిలిన వాహనాలకు బదులు డబ్బులు తీసుకున్నారు. మొదటి వ్యక్తి వెంటనే తన పని మానేసి తిరిగి మనదేశానికి వచ్చేసి ఆ డబ్బుతో వ్యాపారాన్ని మొదలుపెట్టాలనుకున్నాడు. అప్పట్లో పశ్చిమ గోదావరి జిల్లాల్లో పంటపొలాలు రొయ్యల చెరువులు, చేపల చెరువులుగా మారుతున్న రోజులవి. దానితో హెవీ మెషినరీ అద్దెకు ఇచ్చే వ్యాపారం మొదలుపెట్టి దినదినాభివృద్ధి చెందాడు. ప్రస్తుతం తణుకులో ఆర్ధికంగా మంచి స్థితిలో ఉన్నాడు. రెండో వ్యక్తికి అప్పుడే కూతురు పుట్టింది. తన కూతురే తన అదృష్టానికి కారణమని భావించి మోటారు సైకిలు డబ్బులు తన ...
